आपले वाङ्‌मय वृत्त

भूक

जेव्हा ही

भूकेसोबत लढण्यासाठी

कोणी उभा राहतो

सुंदर दिसू लागतो

झडप घालणारा ससाणा

फना काढलेला साप

प्राणी असतो तर

भूक जाणवताच निघालो असतो

पोट भरण्याच्या शोधात

आणि कुठल्याशा एका क्षणी पोहचलो असतो तिथं

जिथं निसर्गानं ठेवलेलं असेल माझ्यासाठी जेवण

पण माणूस आहे उपाशी

अन् माहित नाही कुठंय माझ्या वाट्याचं अन्न

डोक्यावर फुटकळ सामानांची गाठोडी घेऊन

हातावर पोट असलेल्या माणसांचे हे लोंढे

वाट मिळेल तिकडे

सैरावैरा धावत सुटले आहेत

आपापल्या गावांच्या दिशेने

जीव वाचवण्याच्या आशेने

आणि त्यांच्या पायातले त्राण

तर कधीच नाहीसे झालेले.

आपल्याला जाणीव नसतेच

पण खरं तर आईच्या नाळेनेच

करून दिलेली असते

भुकेची ओळख

जी दिवसागणिक वाढतच असते

अगदी तुमच्या बरोबर

आता तर फारच झाले

मानेच्या देठापासून तुटणारे

चेहरे मला दिसताहेत

आणि झाडांच्या फांद्यांवर

पक्ष्यांऐवजी

प्राण्यांच्या आतड्या लटकताहेत

पोटात भगभगती भूक

आणि

डोळ्यांत लाचारी घेऊन

भीक मागत होता तो

फक्त एका चतकोर भाकरीची

मात्र त्यांनी फेकली

कोरडी धार्मिक पुस्तकं त्याच्या याचक हातांवर

बाई केव्हापासून काम करतेय शेतात

माथ्यावर सावलीचा ढग नाही एकही

तरीही भूक आणि भाकर

तळहातावर भाजतेय

लोकशाहीचा टेंभा मिरवणाऱ्यांना

भूकबळी कशी दिसत नाही

आमच्या घरात आम्हीच

अजून भूकबळीत उत्सव साजरा करत जगतो

एक म्हातारी

अर्धवट जळलं लाकूड

किंवा

घाणेरड्या वस्तीच्या कुंद नालीतून

वाहत जावी एक काटकी

तशी

शारीर प्रेमात पडण्याच्या वयात हेलिन डाव्या विचारसरणीच्या प्रेमात पडली. संगीताची नैसर्गिक आवड आणि गाता गळा यामुळे ती योरूमच्या संपर्कात आली. सेल्मा अल्टीन, इनान अल्टीन, इब्राहीम गोस्केक, अली अराकी, बरीस युक्सेल या योरूमच्या मूळ सहकाऱ्यांना नंतर येऊन जुळलेले केमाल साहिर गुरेल, मेलीन कहरामन, हिमी यारायिया, इल्की अकाया, इफ कान सेसेन यांच्यात एक नाव जोडले गेले, ते होते हेलिन बोलेक.